பிரெட்டில் ஜாம் தடவி சாப்பிட்ட காலமெல்லாம் போய், இன்று பீனட் பட்டர்தான் பலருடைய சாய்ஸ்.
கடையில் பீனட் பட்டர் வாங்குவதை விட வீட்டிலேயே எளிய முறையில் செய்து கொள்ளலாம்.
அது எப்படி என்று பார்க்கலாமா..?
தேவையான பொருட்கள் :
வறுத்த வேர்க்கடலை – 1 கப்
கடலை அல்லது ரைஸ் பிராண்ட் எண்ணெய் – 3 டேபிள்ஸ்பூன்
உப்பு – 1 சிட்டிகை
தேன் – 1 டீஸ்பூன்
செய்முறை :
* வறுத்த வேர்க்கடலையாக இருந்தாலும் அதன் தோலை நீக்கிவிடுங்கள். முழு காய்ந்த கடலையாக இருந்தால் அதை உரித்து கடாயில் வறுத்துக்கொள்ளுங்கள்.
* பின் அதன் தோலை நீக்கிவிட்டு தயார் நிலையில் வைத்துக்கொள்ளுங்கள்.
* கடலையை மிக்ஸி ஜாரில் போட்டு மைய அரைத்துக்கொள்ளுங்கள்.
* கொஞ்சம் மசிந்ததும் எண்ணெய் மற்றும் தேன், உப்பு சேர்த்து மீண்டும் மைய அரையுங்கள். அவ்வளவுதான் பீனட் பட்டர் தயார்… 🙂