இப்பொழுது எங்குமே மாம்பழ சீசன் ஆரம்பித்துள்ளது. அதனால், கிடைக்கும் மாம்பழத்தை கொண்டு பல்வேறு ருசியான ரெசிபிகளை செய்யலாம்.
அந்த வகையில், இன்று மாம்பழத்தில் பாயாசம் செய்வது எப்படி என்று பார்க்கலாமா..?
தேவையான பொருட்கள் :
பாசுமதி அரிசி – 2 டீஸ்பூன்
பால் – 2 கப்
சர்க்கரை – 2 டேபிள் ஸ்பூன்
மாம்பழ கூழ் – 1/2 கப்
குங்குமப்பூ – 1 சிட்டிகை
கண்டென்ஸ்டு மில்க் – 1 டேபிள் ஸ்பூன்
நெய் – 1 டீஸ்பூன்
முந்திரி – 5
மாம்பழம் – சிறிது
ஏலக்காய் – 1 சிட்டிகை
செய்முறை :
* முதலில் பாசுமதி அரிசியை மிக்ஸியில் போட்டு பொடி செய்து கொள்ள வேண்டும்.
* பின் 1 டேபிள் ஸ்பூன் வெதுவெதுப்பான பாலில் குங்குமப்பூ சேர்த்து ஊற வைக்கவும்.
* பின்னர் ஒரு பாத்திரத்தில் பாலை ஊற்றி, பொடித்த அரிசியை சேர்த்து நன்கு வேக வைக்க வேண்டும்.
* பின்பு ஒரு குக்கரை அடுப்பில் வைத்து, அதில் தண்ணீர் ஊற்றி, அதனுள் அந்த பால் பாத்திரத்தை வைத்து, அத்துடன் குங்குமப்பூ பாலையும் ஊற்றி பாத்திரத்தை தட்டு கொண்டு மூடி, பின் குக்கரை மூடி 15-20 நிமிடம் குறைவான தீயில் வேக வைத்து இறக்கி, விசில் போனதும் குக்கரைத் திறக்க வேண்டும்.
* பின் அதனை ஒரு அகன்ற கடாயில் ஊற்றி, அத்துடன் சர்க்கரை சேர்த்து அடுப்பில் வைத்து, குறைவான தீயில் 5 நிமிடம் கொதிக்க வைக்கவும்.
* பிறகு அதில் கண்டென்ஸ்டு மில்க்கை சேர்த்து கிளறி அடுப்பில் இருந்து இறக்கி குளிர வைத்து, மாம்பழக் கூழ் மற்றும் ஏலக்காய் பொடியை சேர்த்து கிளறி, மேலே முந்திரியையும், சிறிது மாம்பழத் துண்டுகளையும் தூவினால், மாம்பழ பாயாசம் ரெடி.. 🙂
