ரன்பீர் கபூர் மற்றும் யஷ் நடிப்பில் பிரம்மாண்டமாக உருவாகியுள்ள ‘ராமாயணம் – பாகம் 1’ திரைப்படம், வெளியான முதல் ஐந்து நாட்களிலேயே உலகளவில் சுமார் 663.9 கோடி ரூபாயை வசூலித்து புதிய சாதனை படைத்துள்ளதாக தகவல்கள் வெளியாகியுள்ளன.
இந்தியாவில் மட்டும் இத்திரைப்படம் 346.35 கோடி ரூபாய் நிகர வசூலைப் பெற்றுள்ளதாக தெரிவிக்கப்படுகிறது.
குறிப்பாக, வெளியான ஐந்தாவது நாளான திங்கட்கிழமை மாத்திரம் 107.5 கோடி ரூபாயை வசூலித்துள்ளது. இது ஞாயிற்றுக்கிழமை வசூலை விட சுமார் 91.5 சதவீதம் அதிகமாகும்.
இதன் மூலம், இந்தியத் திரைப்பட வரலாற்றில் அதிக வசூல் செய்த முதல் திங்கட்கிழமை என்ற புதிய சாதனையையும் ‘ராமாயணம்: பாகம் 1’ திரைப்படம் படைத்துள்ளதாக கூறப்படுகிறது.
இதற்கு முன்னர் ‘பாகுபலி 2’ திரைப்படம் தக்கவைத்திருந்த முதல் திங்கட்கிழமை வசூல் சாதனையையும் இப்படம் முறியடித்துள்ளதாக தகவல்கள் தெரிவிக்கின்றன.
எனினும், இவை ஆரம்பகட்ட வர்த்தக மதிப்பீடுகளாகும். இறுதி வசூல் விபரங்கள் வெவ்வேறு பொக்ஸ் ஆபிஸ் கண்காணிப்பு நிறுவனங்களின் அறிக்கைகளுக்கு அமைய மாறுபடக்கூடும்.
