ஐ.பி.எல். தொடரில் சென்னையில் நேற்று நடைபெற்ற லீக் ஆட்டத்தில் சென்னை சூப்பர் கிங்ஸ் மற்றும் டெல்லி கேப்பிடல்ஸ் அணிகள் மோதின.
இந்த ஆட்டத்தில் முதலில் துடுப்பெடுத்தாடிய டெல்லி அணி 20 ஓவர்கள் நிறைவில் 20 ஓவர்களில் 6 விக்கெட்டுகளை இழந்து 183 ஓட்டங்களை பெற்றது.
டெல்லி தரப்பில் அதிகபட்சமாக கே.எல்.ராகுல் 77 ஓட்டங்களை பெற்றுக்கொடுத்தார்.
தொடர்ந்து 184 ஓட்டங்கள் எனும் வெற்றி இலக்கை நோக்கி துடுப்பெடுத்தாடிய சென்னை அணி 20 ஓவர்கள் நிறைவில் 5 விக்கெட்டை இழந்து 158 ஓட்டங்களை மட்டுமே பெற்றது.
இதன் மூலம் 25 ஓட்டங்கள் வித்தியாசத்தில் டெல்லி அணி வெற்றி பெற்றது.
சென்னை தரப்பில் அதிகபட்சமாக விஜய் சங்கர் 69 ஓட்டங்களை பெற்றுக்கொடுத்தார்.
இந்த ஆட்டத்தில் சென்னை அணியின் எம்.எஸ்.தோனி 26 பந்துகளில் 30 ஓட்டங்களை எடுத்து களத்தில் இருந்தார்.
சி.எஸ்.கே அணியின் தோல்விக்கு மெதுவாகவிளையாடியதே முக்கிய காரணமாக பார்க்கப்படுகிறது.
ஏனென்றால் கடைசி 5 ஓவர்களில் இலக்கை நோக்கி செல்வதற்கான அதிரடி ஆட்டத்தை கூட தோனி, விஜய் சங்கர் வெளிப்படுத்தவில்லை.
இந்நிலையில், இந்த போட்டியில் மோசமாக விளையாடிய தோனி, இந்த தொடரில் முதல் வீரராக மோசமான சாதனை ஒன்றை படைத்துள்ளார்.
இந்த இன்னிங்ஸில் தோனி ஒரு சிக்ஸ், ஒரு பவுண்டரியை மட்டும் விளாசி இருந்தார்.
ஆனால், அவரின் முதல் பவுண்டரி 19-வது பந்தில் தான் வந்தது.
இந்த சீசனில் பேட்டிங் செய்த வீரர்களில் முதல் பவுண்டரியை அடிக்க அதிக பந்துகளை எடுத்து கொண்ட வீரராக தோனி பெயர் எடுத்துள்ளார்.
இப்படியொரு மோசமான சாதனையால் தோனி ரசிகர்கள் வருத்தமடைந்துள்ளனர்.
