சர்வதேச சந்தையில் ஏற்பட்டுள்ள பொருளாதார மாற்றங்களின் எதிரொலியாக, இலங்கையில் இன்று (07) தங்கத்தின் விலை அதிரடியாக உயர்ந்துள்ளது.
ஒரு பவுண் தங்கத்தின் விலை 2,000 ரூபாயால் அதிகரித்துள்ளதாக தெரிவிக்கப்படுகிறது.
அதன்படி, தற்போதைய நிலவரப்படி ஒரு பவுண் 24 கரட் தங்கம் 392,000 ரூபாயாக விற்பனை செய்யப்படுகிறது.
22 கரட் தங்கம் பவுண் ஒன்று 362,600 ரூபாயாகவும், விற்பனை செய்யப்படுகிறது.
இதன்படி, 24 கரட் தங்கத்தின் ஒரு கிராமின் விலை 49,000 ரூபாயாகவும், 22 கரட் தங்கத்தின் ஒரு கிராமின் விலை 45,325 ரூபாயாகவும் விற்பனை செய்யப்படுகிறது.
சர்வதேச சந்தையில் நிலவும் பொருளாதார ஸ்திரமற்ற தன்மை மற்றும் உலகளாவிய ரீதியில் தங்கத்தின் தேவை அதிகரித்துள்ளதே இந்த விலை ஏற்றத்திற்கு முக்கிய காரணமாகக் கூறப்படுகிறது.
உலகச் சந்தையில் தங்கம் தொடர்ந்து ஏறுமுகமாகவே இருந்து வருவதால், அதன் நேரடித் தாக்கம் உள்நாட்டுச் சந்தையிலும் பிரதிபலித்துள்ளது.
