நாடு முழுவதும் பொலிஸாரால் முன்னெடுக்கப்பட்டு வரும் விசேட பாதுகாப்பு மற்றும் சோதனை நடவடிக்கைகளின் கீழ், நேற்று (06) மாத்திரம் 27,430 பேர் பரிசோதனைக்கு உட்படுத்தப்பட்டுள்ளதாக பொலிஸ் தலைமையகம் அறிவித்துள்ளது.
நேற்று முன்னெடுக்கப்பட்ட இந்த விசேட சுற்றிவளைப்புகளின் போது, பல்வேறு குற்றச்சாட்டுகளின் கீழ் பலர் கைது செய்யப்பட்டுள்ளனர்.
சந்தேகத்தின் பேரில் 524 பேர் கைது செய்யப்பட்டுள்ளனர்.
நேரடி குற்றச் செயல்களுடன் தொடர்புடைய 14 பேர் அடையாளம் காணப்பட்டு கைது செய்யப்பட்டுள்ளனர்.
நீதிமன்றத்தால் பிடியாணை பிறப்பிக்கப்பட்டிருந்த 309 பேரும், பகிரங்க பிடியாணை பிறப்பிக்கப்பட்டிருந்த 156 பேரும் கைது செய்யப்பட்டுள்ளனர்.
போக்குவரத்து விதிமீறல்கள் மற்றும் வீதிச் சோதனை
வீதி ஒழுங்குமுறைகளை மீறிய சாரதிகளுக்கு எதிராகவும் கடும் சட்ட நடவடிக்கைகள் எடுக்கப்பட்டுள்ளன.
மதுபோதையில் வாகனம் செலுத்திய 422 சாரதிகள் கைது செய்யப்பட்டுள்ளனர்.
கவனக்குறைவாக வாகனம் செலுத்திய 79 சாரதிகள் பொலிஸ் பொறுப்பில் எடுக்கப்பட்டுள்ளனர்.
போக்குவரத்து விதிகளை மீறிய 4,826 பேருக்கு எதிராக வீதிப் போக்குவரத்து சட்டத்தின் கீழ் வழக்குத் தாக்கல் செய்யப்பட்டுள்ளது.
1 comment