வங்கக்கடலில் அடுத்தடுத்து உருவாகும் வானிலை அமைப்புகள் காரணமாக, தமிழகத்தின் பல்வேறு பகுதிகள் மற்றும் கடலோர மாவட்டங்களில் மீண்டும் கனமழை பெய்ய வாய்ப்புள்ளதாக இந்திய வானிலை ஆய்வு மையம் எச்சரித்துள்ளது.
ஏற்கெனவே வங்கக்கடலில் உருவாகியுள்ள காற்றழுத்தத் தாழ்வுப் பகுதி, நவம்பர் 11ஆம் திகதியளவில் வலுப்பெற்று, கடலூர் அருகே கரையைக் கடக்க வாய்ப்புள்ளதாகத் தெரிவிக்கப்பட்டுள்ளது.
இதற்கிடையில், நவம்பர் 13ஆம் திகதி தெற்கு அந்தமான் மற்றும் அதனை ஒட்டிய பகுதிகளில் புதிய காற்றழுத்தத் தாழ்வுப் பகுதி உருவாகக்கூடும் என எதிர்பார்க்கப்படுகிறது.
இந்தப் புதிய காற்றழுத்தத் தாழ்வுப் பகுதி நவம்பர் 14–15ஆம் திகதிகளில் மேலும் வலுப்பெற்று, மேற்கு–வடமேற்கு திசையில் நகரக்கூடும் எனக் கணிக்கப்பட்டுள்ளது.
இதன் காரணமாக, தமிழகத்தின் டெல்டா மாவட்டங்களில் அதி கனமழை பெய்ய வாய்ப்புள்ளதாக வானிலை ஆய்வு மையம் எச்சரிக்கை விடுத்துள்ளது.
தொடர்ச்சியாக உருவாகும் காற்றழுத்தத் தாழ்வுப் பகுதிகளால் தமிழகத்தில் மீண்டும் மழையின் தாக்கம் அதிகரிக்கக்கூடும் என்பதால், பொதுமக்கள் அவதானத்துடன் இருக்குமாறு அறிவுறுத்தப்படுகின்றனர்.
