இலங்கையின் மத்திய மாகாணத்தில் உள்ள தமிழ் பாடசாலைகளுக்கு எதிர்வரும் நவம்பர் 9ஆம் திகதி திங்கட்கிழமை விசேட விடுமுறை வழங்கப்படவுள்ளதாக மத்திய மாகாண ஆளுநர் செயலகம் அறிவித்துள்ளது.
எதிர்வரும் நவம்பர் 8ஆம் திகதி ஞாயிற்றுக்கிழமை தீபாவளிப் பண்டிகை கொண்டாடப்படவுள்ள நிலையில், மாணவர்கள், ஆசிரியர்கள் மற்றும் பெற்றோர்கள் பண்டிகையைச் சிறப்பாகக் கொண்டாடுவதற்கு வசதியாக இந்த விசேட விடுமுறை வழங்கப்படவுள்ளது.
பெருந்தோட்ட மற்றும் சமூக உட்கட்டமைப்பு வசதிகள் பிரதி அமைச்சர் சுந்தரலிங்கம் பிரதீப் விடுத்த கோரிக்கைக்கு அமைய, இந்த விடுமுறைக்கு அனுமதி வழங்கப்பட்டுள்ளதாகத் தெரிவிக்கப்பட்டுள்ளது.
இதன்படி, நவம்பர் 9ஆம் திகதி வழங்கப்படும் விடுமுறைக்கு பதிலாக, நவம்பர் 14ஆம் திகதி சனிக்கிழமை பதில் பாடசாலை நாளாக அறிவிக்கப்பட்டுள்ளது.
எனவே, மத்திய மாகாணத்திலுள்ள தமிழ் பாடசாலைகள் அனைத்தும் நவம்பர் 14ஆம் திகதி வழமைபோன்று கல்வி நடவடிக்கைகளை முன்னெடுக்கத் தேவையான ஏற்பாடுகளை மேற்கொள்ளுமாறு மத்திய மாகாண ஆளுநர் செயலகம் அறிவுறுத்தியுள்ளது.
