இலங்கையில் லாஃப்ஸ் (Laugfs) நிறுவனத்தின் சமையல் எரிவாயு விலைகள் நேற்று நள்ளிரவு முதல் அமுலுக்கு வரும் வகையில் அதிகரிக்கப்பட்டுள்ளன.
சர்வதேச சந்தை நிலவரங்களுக்கு ஏற்ப இந்த விலை திருத்தம் மேற்கொள்ளப்பட்டுள்ளதாக நிறுவனம் அறிவித்துள்ளது.
நேற்று நள்ளிரவு அமுலுக்கு வரும் வகையில் லாஃப்ஸ் எரிவாயு விலையில் திருத்தம் மேற்கொள்ளப்பட்டுள்ளது.
அதன்படி, 12.5 கிலோ கிராம் எடைக்கொண்ட சமையல் எரிவாயுவின் விலை 80 ரூபாவினால் அதிகரிக்கப்பட்டுள்ளது.
அதற்கமைய, 12.5 கிலோ கிராம் எடைக்கொண்ட லாஃப்ஸ் சமையல் எரிவாயுவின் விலை நான்காயிரத்து 330 ரூபாயாக விற்பனை செய்யப்படும்.
அத்துடன், 5 கிலோ கிராம் எடைக்கொண்ட சமையல் எரிவாயுவின் விலையை 32 ரூபாவினால் அதிகரிக்க தீர்மானிக்கப்பட்டுள்ளது.
அதன்படி, 5 கிலோ கிராம் எடைக்கொண்ட சமையல் எரிவாயுவின் விலை 1,742 ரூபாவாக விற்பனை செய்யப்படும் என அறிவிக்கப்பட்டுள்ளது.
சர்வதேச சந்தையில் எரிவாயுவின் விலை அதிகரிப்பு மற்றும் இறக்குமதி செலவுகள் உயர்ந்துள்ள நிலையில், உள்ளூர் சந்தையிலும் விலையை அதிகரிக்க தீர்மானிக்கப்பட்டுள்ளது.
இந்த விலை மாற்றமானது நேற்று நள்ளிரவு முதல் நாடளாவிய ரீதியில் அமுலுக்கு வந்துள்ளமை குறிப்பிடத்தக்கது.
